Фасадны грунт
Тодорхойлолт: Барилгын фасад болон гадна, дотор засал чимэглэлийн
материал, эмульс, будгийн гадаргууд барьцалдах чанарыг сайжруулах, өнгө
дарах, зарцуулалтыг бууруулах суурь түрхлэг.
Ашиглах гадаргуу: Бетон, тоосго, гипс, замаск, обой, шавар зэрэг барилгын
өрлөг, дүүргэлт, тэгшилгээний бүх төрлийн минерал гадаргууд ашиглахад
тохиромжтой.
Онцлог, давуу талууд:
● Усан суурьтай
● Үнэргүй
● Гал дэмждэггүй
● Түргэн хатдаг
● Амьсгалдаг гадаргуу үүсгэдэг
● Хүрээлэн буй орчин, хүний биед хорт нөлөөгүй, цэвэр, эрүүл орчин үүсгэдэг
● Гадаргууд барьцалдах чанар сайн, удаан тогтоцтой
● Ашиглахад хялбар, жигд гадаргуу үүсгэдэг
● Будаг, эмульсийн зарцуулалтыг бууруулах
Хэрэглэх заавар: Гадаргуугийн тоос, шороо, тос зэрэг бохирдлыг
урьдчилан цэвэрлэнэ. Хэрэглэхийн өмнө грунтийг сайтар хутгана. Агаарын +5°С-
аас багагүй температуртай орчинд багс, өнхрүүш, шүршигчээр будна.
Шаардлагатай тохиолдолд жингийн 5-10 хувиас ихгүй хэмжээний усаар шингэлж
болно.
Хадгалалт, тээвэрлэлт: Бүтээгдэхүүнийг хөлдөөхгүйгээр нэмэх
температурт хадгалж, тээвэрлэнэ. Баталгаат хугацаа 24 сар байна.
Аюулгүй ажиллагаа: Энэхүү грунт нь гал, тэсрэлтийг дэмждэггүй, үнэргүй,
байгаль орчин, өрөө тасалгаанд хүний эрүүл мэндэд хортой, аюултай нөлөө
үзүүлэхгүй. Хүүхдийн гар хүрэхгүй газар хадгална. Гараа хамгаалахын тулд бээлий
хэрэглэнэ. Нүд болон ил гарсан арьсанд хүрсэн тохиолдолд усаар зайлж угаана.
Байгаль орчныг хамгаалах, хог хаягдлын менежмент: Ус хангамж,
ариутгах татуургын суваг, байгаль орчинд грунтийг шууд асгаж хаяхыг хориглоно.
Хоосон, хуурай савыг ахуйн хог хаягдалтай хаяж, дахин боловсруулж болно.

Техникийн үзүүлэлтүүд: Дунджаар агаарын 65 хувийн чийгшилтэй, +20°C
температуртай орчинд 1 цагаас илүүгүй хугацаанд хатна. Нэг метр квадрат
гадаргууд 110-150гр грунт зарцуулагдана.

Найрлага: Латекс, консервант, хөгц, мөөгөнцрийн эсрэг нэмэлтүүд, ус