“Экодисперс будаг” ХХК нь анх 2023 оны 01-р сарын 16 нд үүсгэн байгуулагдсан.

Манай компани нь Европ стандартад нийцсэн усан суурьтай эко будаг, эмульс, тэдгээрийн дагалдах бүтээгдэхүүнүүдийг өөрийн судлан хөгжүүлсэн
технологиор үйлдвэрлэж байна. Бид одоогоор төрөл бүрийн эмульс, усан суурьтай будаг, грунт, лак, бэлэн замаск зэрэг 28 нэр төрлийн бүтээгдэхүүнийг 3 төрлийн савалгаатайгаар Эрдэнэт хотод үйлдвэрлэн Улаанбаатар хот дахь нэрийн барааны төв дэлгүүрээр зах зээлд нийлүүлж эхэлж байна. Цаашид төрөл бүрийн цавуу, пигмент, барилгын гадна, дотор
заслын материал, шалны материал үйлдвэрлэхээр төлөвлөж байна. Манай компанийн нэг онцлог нь өөрсдийн технологиор үйлдвэрлэл явуулж байгаа учир хэрэглэгчдийн захиалгаар төрөл бүрийн зориулалт, чанарын үзүүлэлтээр захиалгаар бүтээгдэхүүн нийлүүлэх боломжтой. Мөн үйлдвэрлэлийн захиалгаар бүтээгдэхүүнд 180 өнгө, нэрийн барааны дэлгүүрт кодоор 1,200 өнгө гаргаж байна. Бид цаашид энэ салбартаа шинэлэг үйлчилгээнүүд болох бүтээгдэхүүний сонголт, хэрэглээтэй холбоотой бүх төрлийн зөвлөгөө, үйлчилгээг нэг дороос авах, хэрэглэгчийн цагийг хэмнэх зорилгоор онлайн худалдаа, хүргэлтийн системийг нэвтрүүлэхээр ажиллаж байна. Түүнчлэн компанийн веб хуудаст нэвтрэн манай бүтээгдэхүүний талаар дэлгэрэнгүй мэдээлэл, гадна, дотор заслын оновчтой санаа, шийдэл авч бидний үйлдвэрлэх олон өнгөнүүдийг ашиглан заслын санаагаа гарган авах боломжтой байдлаар хөгжүүлж байна. Цаашид будаг, дагалдах бүтээгдэхүүний импортыг орлох, экспортод чиглэх бүрэн боломжтой шинэ технологийн үйлдвэрлэгч хамт олон юм.