ИНТЕРЬЕРИЙН ЭМУЛЬС Deep Base:  Кодоор тод өнгө гаргах барилгын дотор засал, чимэглэлд зориулагдсан суурь эмульс. Эмульс нь цайвар өнгөтэй, шууд будахгүй бөгөөд пигментээр өнгө гарган ашиглаж болно.    

Ашиглах гадаргуу: Бетон, тоосго, гипс, замаск, обой, шавар зэрэг барилгын өрлөг, дүүргэлт, тэгшилгээний бүх төрлийн минерал гадаргууд ашиглахад тохиромжтой.

Онцлог, давуу талууд: 

  • Усан суурьтай 
  • Үнэргүй 
  • Гал дэмждэггүй
  • Үйлдвэрлэгчийн нэрийн барааны дэлгүүрт өндөр чанарын пигмент ашигладаг
  • Түргэн хатдаг
  • Амьсгалдаг гадаргуу үүсгэдэг
  • Хүрээлэн буй орчин, хүний биед хорт нөлөөгүй, цэвэр, эрүүл орчин үүсгэдэг
  • Гадаргууд барьцалдах чанар сайн, удаан тогтоцтой
  • Агаарын даралт, гэрлийн тусгал, чийгшилд тэсвэртэй 
  • Ашиглахад хялбар, жигд гадаргуу үүсгэдэг

Хэрэглэх заавар:  Гадаргуугийн тоос, шороо, тос зэрэг бохирдлыг урьдчилан цэвэрлэнэ. Хэрэв гадаргуу хэт их тоосжилт, бохирдолтой, тод, гүн өнгөтэй бол барьцалдах чанар, тогтцыг сайжруулах, зарцуулалтыг бууруулах, гадаргуугийн өнгө дарах чадварыг нэмэгдүүлэхийн тулд ЭКО-301 интерьерийн грунт ашиглахыг зөвлөж байна. Мөн эмульсийн дараа ЭКО-401 лак хэрэглэж болно. Агаарын +5°С-аас багагүй температуртай орчинд багс, өнхрүүш, шүршигчээр будна. Шаардлагатай тохиолдолд эзлэхүүний 5-10 хувиас ихгүй хэмжээний усаар шингэлж болно. Хэрэв давхарлаж будах бол 1-2 цаг хүлээнэ.

Хадгалалт, тээвэрлэлт: Бүтээгдэхүүнийг хөлдөөхгүйгээр нэмэх температурт хадгалж, тээвэрлэнэ. Баталгаат хугацаа 24 сар байна.

Аюулгүй ажиллагаа: Энэхүү эмульс нь гал, тэсрэлтийг дэмждэггүй, үнэргүй, байгаль орчин, өрөө тасалгаанд хүний эрүүл мэндэд хортой, аюултай нөлөө үзүүлэхгүй. Хүүхдийн гар хүрэхгүй газар хадгална. Гараа хамгаалахын тулд бээлий хэрэглэнэ. Нүд болон ил гарсан арьсанд хүрсэн тохиолдолд усаар зайлж угаана.

Байгаль орчныг хамгаалах, хог хаягдлын менежмент: Ус хангамж, ариутгах татуургын суваг, байгаль орчинд эмульсийг шууд асгаж хаяхыг хориглоно. Хоосон, хуурай савыг ахуйн хог хаягдалтай хаяж, дахин боловсруулж болно. 

Техникийн үзүүлэлтүүд: Дунджаар агаарын 65 хувийн чийгшилтэй, +20°C температуртай орчинд 1 цагаас илүүгүй хугацаанд хатна. Будсанаас хойш 7 хоногийн хугацаанд эмульс нь бүрэн бэхэждэг. Нэг метр квадрат гадаргууд 110-150мл эмульс зарцуулагдана. Эмульсийн өнгөнөөс шалтгаалан эмульсийн зарцуулалт их, бага байж болохыг анхаарна уу. 

Найрлага: Латекс, дүүргэгч, функциональ нэмэлтүүд, өтгөрүүлэгч, ус, консервант, пигмент

Үнэ: 115000

© 2024 он. Эко будаг. Бүх эрх хуулиар хамгаалагдсан. Вэб хөгжүүлэгч Mind Agency